سیید سجاد حسین شدید

سیید سجاد حسین شدید بہترین ادبی ذوق رکھنے والے مرثیہ نگارتھے جن کا تعلق لکھنوء سے تھا۔آپ نے شاعری کی سب سے بہترین اور مقدس صنف مر ثیہ نگاری میں بہت مقبولیت حاصل کی۔

آپ کی حسبی و نسبی وابستگی انیس و عشق و تعشق کےخاندانوں سے ہے۔ایک طرف آپ کا فطری شعری ذوق اور صلاحیت اور دوسری طرف ان دو مکاتیب سخن سے آپ کی خاندانی وابستگی۔ان دونوں کے امتزاج سےآپ کی مرثیہ نگاری میں ایک بہت خوبصورت اور منفرد رنگ پیدا ہو گیا۔

آپ نے ایک مرثیہ کے چند ابتدائ بندوں میں اپنی اس خاندانی وابستگی کا اظہار نہایت خوبصورت انداز میں کیا ہےاور ان دونوں مکاتیب ادب کے خاندانوں سے تعلق رکھنے والےتقریبا”تمام ہی شعراء کا ذکر کیا ہے۔

حضرت علی علیہ السلا م پر لکھے گئےاس مر ثیہ کے چند بند ملاحظہ ہوں

میں سالک مسالک عشق و انیس ہوں

میں پیر و تعشق و انس و نفیس ہوں

میں ورثہ دار خاص رشید و رئیس ہوں

میں منزل عروج زبان سلیس ہوں

روشن میرے کلام سے دونوں کی شان ہے

میرا ہے یہ بھی وہ بھی میرا خاندان ہے

گر عشق سے ہے مجھ کو تعشق تو ہے بجا

ہے انس انیس سے تو ہے رشتے کا مقتضے‘

مجھ سے زیادہ کون ہے عارف نفیس کا

کیونکر نہ ہو ادیب ادب پر جو ہو فدا

مدحت سرائے آل بہ طرز جدید ہوں

نخل وحید باغ جناب رشید ہوں

رثائ ادب سے دلچسپی رکھنے والے آپ کا کلام بہت ذوق و شوق سے سنتے اور پڑھتے ہیں اور آپ کو ایک مخصوص مقبولیت عزت اور تکریم حاصل ہے-شدید صاحب کے جانشین جناب گوھر لکھنوی اپنی وراثت کا حق بخوبی ادا کر رہے ہیں اورآج لکھنؤ کے بہترین تحت اللفظ مرثیہ خواں اور مرثیہ نگار ہیں